យល់ដឹងពីផលពិបាក ចំពោះការហូបអាហារពេលល្ងាចឆ្អែតពេក អាចបង្កឱ្យមានជំងឺ

រាជធានីភ្នំពេញ ៖ ជំងឺតែងតែយាយីចំពោះ សុខភាពរបស់យើងទាំងអស់គ្នា កត្តាទាំងនេះបណ្តាលមក ពីលំហាត់ប្រាណ ការរស់នៅ និងរបបអាហារ ។ តែអ្វីដែលយើងលើកយក មកបង្ហាញនេះ គឺកត្តារបបដែលងាយ នាំឲ្យមានជំងឺមានច្រើនយ៉ាងគឺ ៖

១-កូឡេស្តេរ៉ូលកម្រិតខ្ពស់នឹងជំងឺលើសឈាម

តាមឯកសារពីផ្នែកវេជ្ជសាស្ត្រ និងផ្នែកស្រាវជ្រាវជាច្រើនបានបញ្ជាក់អះអាងថា ក្នុងអាហារពេលល្ងាចចំពោះអ្នកដែលមានទម្លាប់ចូលចិត្តទទួលទានសាច់ហើយបើប្រៀបធៀបទៅនឹងអ្នកដែលចូលចិត្តទទួលទានអាហារ ដែលមានបន្លែច្រើនជាងសាច់នោះគឺជាតិកូឡេស្តេរ៉ូល (ជាតិខ្លាញ់នៅក្នុងសរសៃឈាម) មានកម្រិតខ្ពស់ជាង ៣ ទៅ ៤ ដង ។ ដូច្នេះចំពោះអ្នកដែលមានជំងឺកូឡេស្តេរ៉ូលខ្ពស់ និងអ្នកជំងឺលើសឈាម ប្រសិនបើពេលល្ងាច តែងទទួលទានអាហារជាតិសាច់ច្រើន គឺប្រៀបដូចជាយកប្រេងសាំងទៅជះនៅក្នុងភ្នក់ភ្លើងអ៊ីចឹងគឺបង្កឱ្យអាការជំងឺកាន់តែមានសភាពធ្ងន់ឡើងប៉ុណ្ណោះ ។

២-ជំងឺទឹកនោមផ្អែម

ចំពោះមនុស្សវ័យកណ្តាល និងវ័យជរា ប្រសិនបើក្នុងរយៈពេលយូរអង្វែងបានទទួលទានអាហារពេលល្ងាចឆ្អែត ពេកអាចរំញោចឡើងវិញដល់ការបញ្ចោញនូវបរិមាណដ៏ច្រើនលើសលប់នៃរសលំពែង ។ ដូច្នេះជារឿយៗបង្កឱ្យកោសិកានៃរសលំពែងបង្កើននូវបន្ទុកយ៉ាងធ្ងន់ធ្ងរ ។ បន្តបន្ទាប់មកទៀតក៏ខ្សោយ ហើយក៏បង្កជាជំងឺទឹកនោមផ្អែម ។

៣-ប្រព័ន្ធសរសៃប្រសាទចុះខ្សោយ

ការទទួលទានអាហារពេលល្ងាចឆ្អែតពេកពិតជាបង្កឱ្យក្រពះ ពោះវៀន មានបន្ទុកយ៉ាងធ្ងន់ធ្ងរ ហើយសញ្ញានៃភាពតានតឹងកិច្ចការងារគឺបានបញ្ជូនទៅដល់ខួរក្បាលឥតឈប់ឈរ ។ ដូច្នេះអាចធ្វើឱ្យមានអាការដេកមិនលក់ ដេកយល់សប្តិច្រើន និងយូរៗទៅអាចក្លាយទៅជាជំងឺខ្សោយប្រព័ន្ធសរសៃប្រសាទ ។

៤-ជំងឺធាត់

ការទទួលទានអាហារពេលល្ងាចឆ្អែតពេកគឺកម្រិតនៃជាតិស្ករនៅក្នុងឈាម អាស៊ីដអាមីណូ និង អាស៊ីដខ្លាញ់ អាចកើនឡើងខ្ពស់ ។ ម្យ៉ាងទៀតបន្ថែមលើរាល់សកម្មភាពនៅពេលយប់មានបរិមាណតិចតួច ការបញ្ចោញជាតិកាឡូរី តិច និង ផលប្រយោជន៍នៃជាតិកាឡូរីភាគច្រើននៅក្នុងរសលំពែងផ្តុំគ្នាជាជាតិខ្លាញ់ ។ ដូច្នេះយូរៗទៅអាចបណ្តាលឱ្យ មនុស្សធាត់មិនដឹងខ្លួន ។

៥-មហារីកពោះវៀន

ការទទួលទានអាហារពេលល្ងាចឆ្អែតពេកពិតជាបង្កឱ្យមានជាតិប្រូតេអ៊ីនខ្លះពុំអាចធ្វើឱ្យការរំលាយអាហារស្រូបយកបាន ។ ដោយសារធាតុទាំងនេះដែលស្ថិតក្នុងផលប្រយោជន៍នៃបាក់តេរីពោះវៀនបង្កើតបានជាសារធាតុពុល បំផ្លិចបំផ្លាញម្យ៉ាង ។ ក្រៅពីនោះបន្ថែមលើពេលកំពុងតែដេកលង់លក់នោះគឺចលនានៃសត្វល្អិតតូចៗនៅក្នុងពោះវៀនកាត់បន្ថយល្បឿន ដូច្នេះផ្ទុចផ្អាកពេលវេលាដើម្បីឱ្យសារធាតុទាំងនេះបានផ្តុំគ្នានៅក្នុងពោះវៀនហើយក៏ បង្កឱ្យទៅជាមានជំងឺមហារីកពោះវៀនកើតឡើង ។

៦-ជំងឺសរសៃអាកទែរ

ក្នុងអាហារពេលល្ងាចតែងស្រូបយកនូវជាតិកាឡូរីច្រើនពេកអាចបណ្តាលឱ្យកម្រិតកូឡេស្តេរ៉ូលកើនឡើងខ្ពស់ ហើយកាលបើបរិមាណនៃកូឡេស្តេរ៉ូលច្រើនពេកអាចកកស្ទះនៅក្នុងបំពង់សរសៃឈាម និង យូរៗទៅអាចបង្កឱ្យកើត ជំងឺស្ទះសរសៃឈាម និង ជំងឺស្ទះសរសៃអាកទែរ ។

៧-រោគរលាកលំពែងធ្ងន់ធ្ងរ

បើទទួលទានអាហារពេលល្ងាចឆ្អែតពេកគឺងាយនឹងបង្កឱ្យមានរោគរលាកលំពែងធ្ងន់ធ្ងរដែលអាចបង្កឱ្យសន្លប់ ក្នុងពេលកំពុងដេកលក់ ហើយប្រសិនបើជួយសង្គ្រោះពុំបានទាន់ពេលវេលាទេនោះអាចបណ្តាលឱ្យគ្រោះថ្នាក់ដល់ជីវិតទៀតផង ។ ម្យ៉ាងទៀតប្រសិនបើនៅក្នុងបំពង់បង្ហូរទឹកប្រមាត់មានគ្រាប់ក្រួស ព្រូនរាំងស្ទះ និងជំងឺឆ្លងរ៉ាំរ៉ៃ ។ ដូច្នេះគឺងាយបង្កឱ្យមានរោគរលាកលំពែងធ្ងន់ធ្ងរដែលអាចបណ្តាលឱ្យមានគ្រោះថ្នាក់ដល់ជីវិតទៀតផង ។

៨-ផ្លូវទឹកមូត្រមានគ្រាប់ក្រួស

ការស្រាវជ្រាវរកឃើញថា រោគផ្លូវទឹកមូត្រមានគ្រាប់ក្រួសគឺទាក់ទងដល់អាហារពេលល្ងាចពេលយប់ ។ អស់ទាំងនេះក៏ព្រោះតែសមាសធាតុដ៏សំខាន់នៃការមានគ្រាប់ក្រួសនៅក្នុងផ្លូវទឹកមូត្រគឺជាតិកាល់ស្យូម ។ រីឯជាតិកាល់ស្យូមមួយចំណែកនៅក្នុងអាហារក្រៅពីត្រូវបានស្រទាប់ពោះវៀនស្រូបយកភាគច្រើនត្រូវបានបញ្ចោញមកខាងក្រៅរាងកាយ ។ តាមការព្យាករណ៍នៅពេលដែលឈឺបត់ជើងតូចដល់កម្រិតកំពូលនៅក្រោយពេលទទួលទានបាយរួចរវាងពី ៤ ទៅ ៥ ម៉ោង ។ ដូច្នេះប្រសិនបើការទទួលទានអាហារពេលល្ងាចយប់ពេកគឺកម្រិតកំពូលនៃការបត់ជើងតូចត្រូវស្ថិតនៅក្នុង ពេលកំពុងតែដេកលង់លក់ ។ ដូច្នេះបរិមាណទឹកនោមទាំងអម្បាលមាណត្រូវតែបន្សល់ទុកនៅក្នុងផ្លូវទឹកមូត្រ ហើយ យូរៗទៅក៏អាចប្រែក្លាយទៅជាមានគ្រាប់ក្រួសនៅក្នុងផ្លូវទឹកមូត្រ ៕

ប្រភព វត្តភ្នំ