ខ្ទឹមបារាំងគឺជាខ្ទឹមដែលមានលក្ខណៈខុសពីខ្ទឹមស ត្រង់វាធំ ហើយមានតាមស្រទាប់ៗ ។ ខ្ទឹមបារាំងត្រូវបានគេយកទៅធ្វើជាម្ហូបបានច្រើនមុខ ដែលសុទ្ធតែឱជារសឈ្ងុយឆ្ងាញ់ ។ ប៉ុន្តែទន្ទឹមនឹងនោះ ពេលដែលយើងម្នាក់ៗ ហាន់ខ្ទឹមបារាំង បែរជាត្រូវប្រឈមមុខនឹងការចេញទឹកភ្នែក ។ តើហេតុអ្វីបានជាយើងចេញទឹកភ្នែក ពេលដែលហាន់ខ្ទឹមបារាំង ??? ចុះម្តេចពេលហាន់ខ្ទឹមស យើងមិនយំ???
ខ្ទឹមបារាំងក៏កើតឡើងពីពពួកកោសិកានានា ដែលកោសិកាទាំងនោះ មានផ្ទុកអាស៊ីតអាមីណូ ដែលមានសារធាតុស្ពាន់ធ័រ (S) ។ នៅពេលដែលយើងកាត់ រឺហាន់ខ្ទឹមបារាំង ពេលនោះ កោសិកាទាំងនោះ ត្រូវបានបែក ហើយរកអុកស៊ីតកម្ម ។ ក្រោយពី រងអុកស៊ីតកម្ម វាក៏បានទៅប៉ះនឹងទឹកភ្នែករបស់យើង រួចបំប្លែងទៅជា Acid Sulfuric ។ ហើយគឺដោយសារអាស៊ីតនេះ ដែលវាធ្វើអោយទឹកភ្នែករបស់យើងហូរ ដោយមិនដឹងខ្លួន ។
ដោយឡែកពេលដែលយើងចំអិន ខ្ទឹមបារាំង ពពួកអាស៊ីតអាមីន ក៏ឆ្អិន ដែលវាមិនបានបំលែងទៅជា Acid Sulfuric ។ ដូច្នេះហើយបានជាងយើងមិនយំ ពេលដែលចំអិនខ្ទឹមបារាំងហើយ តែយើងនឹងនៅតែដឹងក្លិន និងរសជាតិរបស់វានៅដដែល ។
វិធីបង្ការពេលដែលលោកអ្នកហាន់ខ្ទឹមបារាំង
យើងប្រាកដជាមិនអាចជៀសផុតពីការហាន់ខ្ទឹមបារាំងនោះទេ បើដូច្នេះយើងត្រូវមានវិធីបង្ការដើម្បីកុំអោយចេញទឹកភ្នែក ។ វិធីបង្ការនោះមានដូចខាងក្រោម ៖
- យើងហាន់ខ្ទឹមបារាំងនៅក្នុងទឹក ធ្វើដូចនេះ អាស៊ីតអាមីន នឹងមិនត្រូវរងអុកស៊ីតកម្ម ដែលមិនធ្វើអោយយើងយំបាន
- ដាក់ខ្ទឹមបារាំងក្នុងទូទឹកកក មុនយកមកធ្វើម្ហូប ។ ការទុកខ្ទឹមបារាំងក្នុងទូទឹកកក នឹងធ្វើអោយខ្ទឹមបារាំងចុះត្រជាក់ ជាហេតុធ្វើអោយអាស៊ីតអាមីន ពិបាកធ្វើអុកស៊ីតកម្ម
- បៀមឈឺគូសនឹងមាត់ នោះសារធាតុដែលនៅនឹងក្បាលឈើគូសអាចស្រូបយក ក្លិនឆួលរបស់ខ្ទឹមបារាំងមិនអោយមកក្រពេញទឹកភ្នែករបស់យើងបាន
រូបភាព Google
អត្ថបទ បងពេទ្យ
ប្រភព Looking Today & Facebook វៀតណាម
0 Komentar