 |
| ជំងឺអុតស្វាយ (Chickenpox) |
 |
| រូបកុមារកើតជំងឺអុតស្វាយ |
ជំងឺអុតស្វាយ ជាជំងឺដែលបង្កអោយមានជាកន្ទួលរមាស់អុចៗក្រហមលើស្បែករបស់យើង រាលដាលពីស្មងជើង ដល់ក មុខ និងអវយវៈផ្សេងទៀត ដែលរយៈពេលប្រមាណ៧ ទៅ១០ថ្ងៃក្រោយ កន្ទួលទាំងនោះនិងវិវត្តន៍ពីអុចៗក្រហម ទៅជាពងបែកមានទឹកវិញ (Vesicles) ។ ពងបែកទាំងនោះមានចេញនៅក្នុងមាត់ លើស្បែកក្បាល ជុំវិញភ្នែក ប្រដាប់បន្តពូជ ដែលធ្វើអោយអ្នកជំងឺឈឺចុកចាប់យ៉ាងខ្លាំង ។ ក្រោយពីកើតនៅកន្លែងមួយហើយ វាអាចជាសះស្បើយ ដោយក្រោយមកទៅកើតកន្លែងផ្សេងទៀតរហូតដល់ប្រហែល២សប្តាហ៍បានអាការៈកន្ទួលរមាស់នោះបាត់ ។ ចំនែកការចម្លងនៃជំងឺនេះក៏ស្ថិតក្នុងដំណាក់កាលនេះដែរ ។ ហេតុដូចនេះ បានជាអ្នកជំងឺត្រូវនៅអោយឆ្ងាយពីអ្នកដទៃ លើកលែងក្រុមគ្រួសារដែលនៅជាមួយ ។ បញ្ជាក់ថាជំងឺអុតស្វាយឆ្លងតាមប្រព័ន្ធដកដង្ហើម ។
សម្រាប់វិធីព្យាបាល ជំងឺអុតស្វាយវិញ គឺត្រូវប្រុងប្រយ័ត្នអោយមែនទែន ព្រោះអីជំងឺអុតស្វាយ ជាជំងឺដែលចំលងកាចសាហាវបំផុត ។ អ្នកជំងឺគួរណាតែនៅក្នុងផ្ទះរហូតដល់ស្នាមកន្ទួលទាំងនោះ បាត់អស់ ។ ក្រៅពីអោយអ្នកជំងឺនៅផ្ទះហើយ យើងក៏ត្រូវព្យាបាលដោយការអោយថ្នាំមួយចំនួនដល់អ្នកជំងឺ ទៅតាមសភាពរបស់អ្នកជំងឺនីមួយៗ ដូចជា ៖
- ថ្នាំ Zovirax (Acyclovir) មានប្រយោជន៍សំរាប់បំបាត់រោគសញ្ញារបស់ជំងឺផ្តាសាយ តែការប្រើថ្នាំនេះ ស្ថិតនៅក្នុងការខ្វែងគំនិតគ្នានៅឡើយ ដោយមានវេជ្ជបណ្ឌិតខ្លះបានលើកឡើងថា ថ្នាំនេះគួរប្រើជាមួយកុមារដែលមិនមានរោគសញ្ញាប៉ះពាល់ដល់ខួរក្បាល និងសួត ។
- ថ្នាំប្រឆាំងអាឡែកហ្ស៊ី ដូចជា Benadryl រឺ Zyrtec ដើម្បីបំបាត់ការឈឺចាប់ រមាស់ និងហើម ។
- ថ្នាំអង់ទីប៊ីយូទិច ត្រូវប្រើដើម្បីព្យាបាលជំងឺឆ្លងលើស្បែកក្រោយពីកើតជំងឺអុតស្វាយ រឺអ្នកជំងឺអុតស្វាយមានជំងឺទាក់ទងនឹងសួត ។
* ការថែទាំ ការព្យាបាលនៅផ្ទះ ជាកត្តាចំបងសម្រាប់សមាជិកគ្រួសារគ្រប់រូបគួរដឹង
- ត្រូវកាត់ក្រចកដៃរបស់អ្នកជំងឺដើម្បីកុំអោយអ្នកជំងឺអេះ ហើយចំលងមេរោគផ្សេងៗទៀត និងសន្លាក់
- ត្រូវងូតទឹកអោយអ្នកជំងឺអោយបានច្រើនដងក្នុង១ថ្ងៃ ដើម្បីបំបាត់ភាពរមាស់ ចៀសវាងការចំលងមេរោគត្រង់ស្នាមអុជនោះ និងគ្របកន្សែងត្រជាក់ សើមលើស្បែក
- ចំពោះកុមារតូចៗ ត្រូវឧស្សាហ៍ផ្លាស់ប្តូរកន្ទបអោយកុមារបានច្រើនដង ដើម្បីអោយស្នាមកន្ទួលស្ងួត និងជ្រុះអស់ ។
- ប្រើប្រាស់ថ្នាំ Tatanol ដើម្បីបន្ថយកំដៅក្នងខ្លួនអ្នកជំងឺ ដាច់ខាតមិនត្រូវប្រើប្រាស់ថ្នាំ Aspirin ទេ
2 Komentar
អរគុណច្រើន!!!!
Balasស្វាគមន៍សម្រាប់ម្ចាស់សំណួរដំបូងរបស់ប្លក់ថ្មី ស្នាដៃនិស្សិតកម្ពុជា :)
Balas