ធ្លាប់ឆ្ងល់ទេ ហេតុអ្វីបានជាមនុស្សខ្លះត្រូវពាក់វ៉ែនតា?
ប្រសិនបើភ្នែកមិនបានស្ថិតនៅក្នុងទ្រង់ទ្រាយ រឺមិនអាចផ្តោតអោយបានត្រឹមត្រូវទេ អ្នកមិនអាចបង្កើតរូបភាពច្បាស់នៅលើ រេទីន បានទេ ( ស្រទាប់ជាលិកានៅផ្នែកខាងក្រោយភ្នែកដែលមានអារម្មណ៍រំញោចទៅនឹងពន្លឺ និងបញ្ជូនសញ្ញាទៅអោយខួរក្បាល អំពីអ្វីដែលបានមើលឃើញ ) ។ នៅក្នុងករណីនេះ អ្នកចាំបាច់ត្រូវពាក់វ៉ែនតា ដើម្បីកែតំរូវពីការមើលរបស់អ្នក ។
ចំពោះមនុស្សភ្នែកម៉្ញូបមើលជិត វត្ថុដែលនៅឆ្ងាយមើលទៅហាក់ដូចជាព្រិល ដោយសាររូបភាពនោះកើតឡើងនៅពីមុខរេទីន ។ មនុស្សភ្នែកម៉្ញូបជិត អាចមើលឃើញវត្ថុដែលនៅក្បែរនោះយ៉ាងច្បាស់ ។ ចំពោះមនុស្សភ្នែកម៉្ញូបឆ្ងាយវិញ រូបភាពនោះ ស្ថិតនៅក្រោយរេទីន ដូច្នេះ វាហាក់ដូចជាស្រអាប់ ខណៈដែលកែវភ្នែកព្យាយាមផ្តោតទៅនៅវត្ថុនៅក្បែរនោះ ។ នៅពេលមនុស្សយើងកាន់តែចាស់ កែវភ្នែករបស់យើងកាន់តែពិបាក និងមិនអាចផ្លាស់ប្តូរទ្រង់ទ្រាយបានក្នុងការផ្តោតអោយកាន់តែជិតឡើង ។
និស្សិតវេជ្ជសាស្ត្រ ឃិន សំណាង
0 Komentar