ស្បែកលឿងសរីរសាស្ត្រកើតឡើងដោយសារ មានកំរិតចំហាយ Bilirubin នៅក្នុងឈាមកើនខ្ពស់រហូតធ្វើអោយ ស្រទាប់ស្បែកមានពណ៌លឿង ដែលភ្នែកធម្មតាអាចមើលឃើញបាន ។ ភាគច្រើនក្មេងទើបកើតសុទ្ធតែមានស្បែកលឿង លើកំរិតមិនដូចគ្នា ។ ហេតុដែលហៅថា ស្បែកលឿងសរីរសាស្ត្រ ពីព្រោះវាមានការទាក់ទងដល់លក្ខណៈពិសេសនៃការផ្លាស់ប្តូរ Bilirubin លើទារកទើបកើត ។
១. អាយុកាលនៃឈាមក្រហមលើទារកទើបកើតពិតជាខ្លីណាស់ គឺចាប់ផ្តើមតាំងពី ៧០ ទៅដល់ ៩០ថ្ងៃ ឈាមក្រហមត្រូវវិនាសទៅវិញ យ៉ាងឆាប់រហ័ស ធ្វើអោយចំនួន Bilirubin ក្នុងឈាមកើនឡើង ។
២. ប្រព័ន្ធភាពស៊ាំនឹងជំងឺ របស់ទារកទើបកើត រីកលូតលាស់មិនទាន់បានសព្វគ្រប់ Bilirubin កើតចេញមកមិនទាន់បានកំចាត់ចោល ជាហេតុកកស្ទះបណ្តាលអោយស្បែកលឿង ។ ក្រៅពីនោះ ទារកទើបកើត ផ្លូវពោះវៀនមិនទាន់មានមេរោគ ក៏អាចប៉ះពាល់ដល់ការផ្លាស់ប្តូរសារជាតិ Bilirubin ។
ចំពោះមូលហេតុទាំងឡាយខាងលើនេះ ញ៉ាំងអោយ Bilirubin នៅក្នុងឈាមរបស់ទារកទើបកើតកើនឡើងយ៉ាងឆាប់រហ័ស រហូតឈានដល់ស្បែកលឿងសរីរសាស្ត្រ ។
លក្ខណៈពិសេសនៃបាតុភូតស្បែកលឿងសរីរសាស្ត្រ លើទារកទើបកើត គឺភាគច្រើនកើតមានក្រោយពី ២ទៅ៣ថ្ងៃ បន្ទាប់ពីកើត កើតបានពី ៣ទៅ៥ថ្ងៃ គឺស្បែកលឿងមានសភាពច្រើនជាង ជាធម្មតាពី ៧ទៅ១៤ថ្ងៃទើបអស់ ។ ចំពោះក្មេងទាំងឡាយកើតមកមិនគ្រប់ខែ ចំណាយរយៈពេលពី ២ទៅ៣សប្តាហ៍ទើបអស់ ។ ស្បែកលឿងសរីរសាស្ត្រលើទារកទើបកើត ជាធម្មតានៅមានកំរិតស្រាល ទារកក៏គ្មាននូវរោគសញ្ញាណាមួយដែល ហេតុដូច្នេះ មាតាបិតាមិនគួរខ្វាយខ្វល់ខ្លាំងពេកដែរ ។
និស្សិតវេជ្ជសាស្ត្រ ឃិន សំណាង
0 Komentar