ជាញឹកញាប់យើងកត់សំគាល់ឃើញថា ធ្មេញមុខដុះចេញមក តែមិនបានសំគាល់ធ្មេញក្រោយទេ ។ ធ្មេញក្រោយ ពោលគឺធ្មេញថ្គាម មិនសូវមានភាពច្បាស់លាស់ទេ ។ ការហើមនៅលើមុខ អាចជាការដុះធ្មេញថ្គាមផង ឬមួយជាអាប់សែផង ។ ដូចនេះ ដើម្បីអោយដឹងប្រាកដ ចូរអ្នកមើលប្រហោងដង្កូវស៊ីនៅលើធ្មេញណាមួួ និងពងអញ្ចាញធ្មេញដែលនៅក្បែរនោះ ។
ការណាមុខហើម ចូរមើលរោគសញ្ញាអាប់សែ (ខ្ទុះ) ២យ៉ាង
ប៉ុន្តែប្រសិនបើមនុស្សនោះ នៅក្មេងពីអាយុ ១៦ ទៅ២២ឆ្នាំ ជាញឹកញាប់វាមិនមានអាប់សែទេ ។ ធ្មេញស្រុកដែលជាថ្គាមធំទី៣ អាចដុះចេញមកនៅផ្នែកខាងក្រោយមាត់របស់គេ ។ កាលណាធ្មេញដុះ វាចាក់ទំលុះស្បែក ហាក់ដូចជាការមុតនឹងរបស់កខ្វក់ ចំត្រង់ដៃមនុស្សម្នាក់ អាចបង្ករោគបាន ។ ការមុតអញ្ចាញធ្មេញ ជុំវិញធ្មេញរបស់គេ ក៏អាចបង្ករោគដែរ ហើយបណ្តាលអោយហើមមុខឡើង ។
បើមានចន្លោះគ្រប់គ្រាន់ ធ្មេញនឹងដុះឡើងដោយខ្លួនវា គឺគ្រាន់តែត្រូវការរយៈពេលមួយប៉ុណ្ណោះ ។ មុននឹងសំរេចអន្តគមន៍ ត្រូវកំណត់អោយដឹងថា តើបញ្ហានោះធ្ងន់ធ្ងរយ៉ាងណា ?
បើគ្មានការហើមទេ ហើយបើអាចបើកមាត់របស់គេបាន ត្រូវពន្យល់ដល់គេ ពីអ្វីដែលកំពុងកើតឡើង និងពីអ្វីដែលគេអាចធ្វើដោយខ្លួនគេបាន ដើម្បីបន្ថយការបង្កមេរោគនិងធ្វើអោយអញ្ចាញធ្មេញស្វិតមាំល្អ ។ ឱសថដែលល្អបំផុតគឺ ការខ្ពុរសំអាតនិងទឹកអំបិលក្តៅឧណ្ណៗ អោយជ្រាបដល់កន្លែងឈឺចាប់ ។ ចូរប្រើឱសថបែបនេះ រហូតដល់ធ្មេញដុះគ្រប់ទាំងអស់ នៅក្នុងមាត់ ។
ប្រសិនបើវាធ្ងន់ធ្ងរ ដូចជាឈឺចាប់ខ្លាំង ហើមឡើងមិនអាចបើកមាត់រួច ។
និស្សិតវេជ្ជសាស្ត្រ ឃិន សំណាង
0 Komentar