ជំងឺមហារីកមាត់ស្បូនជាជំងឺលំដាប់ទី២បន្ទាប់ពីជំងឺមហារីកសុដន់(ដោះ) ដែលច្រើនតែជួបប្រទះនៅប្រទេសកំពុងអភិវឌ្ឍន៍ ។ ការធ្វើវិនិច្ឆ័យយឺតយ៉ាវអាចជាការលំបាកក្នុងការព្យាបាលជំងឺនេះ ។ ហេតុនេះហើយស្ត្រីគ្រប់រូបដែលមានកត្តាទាក់ទងនឹងការបង្កជាជំងឺមហារីកមាត់ស្បូន ត្រូវដឹងអោយបានឆាប់ថាយើងកំពុងប្រឈមនឹងជំងឺនេះរឺអត់ ។
កត្តានាំអោយកើតជំងឺមហារីកមាត់ស្បូន
- ឆ្លងវីរុស Human Papilloma (HPV)
- ស្ត្រីមានអាយុចន្លោះ ៤០ ទៅ ៧០ឆ្នាំ
- ជក់បារី
- ធ្លាប់បង្កើតកូនច្រើន (ពី៥នាក់ឡើងទៅ)
- ឆាប់មានទំនាក់ទំនងផ្លូវភេទ
- មានដៃគូរួមភេទច្រើននាក់
- កង្វះអនាម័យ
- ការចុះខ្សោយប្រព័ន្ធភាពសាំដោយសារ HIV/AIDS , ដោយសារការប្រើប្រាស់ថ្នាំ Corticoid រយៈពេលវែង
- កត្តាគ្រួសារ
- ធ្លាប់រលាកប្រដាប់បន្តពូជច្រើនដង
កត្តាទាំងនេះហើយដែលអាចបណ្តាលអោយយើងកើតជំងឺមហារីកមាត់ស្បូន ។ ជាពិសេសគឺការឆ្លងនូវ HPV ។ ហេតុនេះហើយស្ត្រីដែលស្ថិតក្នុងអាយុខាងលើ គួរទៅធ្វើការពិនិត្យមាត់ស្បូនជាប្រចាំ ដើម្បីតាមដានថាមានឆ្លង HPV រឺអត់ ។ ដោយសារស្ត្រីដែលឆ្លង HPV ភាគច្រើននឹងវិវត្តន៍ទៅជាជំងឺមហារីកមាត់ស្បូន ។
និស្សិតពេទ្យ ឃិន សំណាង
0 Komentar