យើងបានដឹងទាំងអស់គ្នាហើយថាទឹកដោះគោជាអាហារមានលក្ខណៈជាទឹក ដើម្បីបំពេញនូវសារធាតុចិញ្ចឹមមួយចំនួនដល់សារពាង្គកាយ ។ តែជាមួយទឹកដោះគោ មិនមែនអ្នកណាក៏អាចផឹកបានទេ ហើយអ្នកដែលកំពុងមានជំងឺក៏មិនអាចពិសាបានទាំងអស់ដែរ ។
មានការលើកឡើងថាការផឹកទឹកដោះគោនៅពេលព្រឹកនាំនូវសុខភាពល្អដល់អ្នក តែមិនពិតទាំងអស់នោះទេ ។ អ្នកមានជំងឺមួយចំនួនត្រូវយល់ដឹងពីការពិសារទឹកដោះគោនៅពេលព្រឹក ព្រោះថាវាអាចធ្វើអោយអាការៈជំងឺរបស់អ្នកមិនងាយជា រឺអាចធ្ងន់ធ្ងរជាងនេះក៏ថាបាន ។
អ្នកជំងឺខ្វះឈាម ដោយសារកង្វះសារធាតុដែក
ក្នុងដំណើរការក្នុងការរំលាយអាហារ សារធាតុដែកបានបំលែងទៅជាសារធាតុដែលអាចបំលែងបាន ងាយស្រួលក្នុងការស្រូបយកសារធាតុចិញ្ចឹមនៅត្រង់ពោះវៀន ។ ក្រោយពីការទទួលទានដំនេក១យប់ សារធាតុបំលែងទាំងនោះ និងគួបផ្សំជាមួយ កាល់ស្យូម និងផូស្វាត បង្កើតបានជាសារធាតុដែលមិនងាយរលាយ ។ វាមានផលរំខានដល់ការស្រូបយកសារធាតុដែក ។
ហេតុដូចនេះហើយបានជា អ្នកដែលមានជំងឺខ្វះឈាម ដោយសារកង្វះសារធាតុដែក រឺ អ្នកជំងឺដែលកំពុងទទួលការព្យាបាលដោយទទួលទានសារធាតុដែក មិនគួរពិសារទឹកដោះគោនៅពេលព្រឹកឡើយ ។
អ្នកជំងឺមានការច្រាលឡើងលើនៃក្រពះ
តាមការស្រាវជ្រាវរបស់វេជ្ជបណ្ឌិត បានអោយដឹងថា សារធាតុខ្លាញ់ដែលមាននៅក្នុងទឹកដោះគោ ធ្វើអោយការរំញោចនៃសាច់ដុំនៅម្តុំបំពង់អាហារផ្នែកខាងក្រោមត្រង់ក្រពះ មានការចុះខ្សោយ ជាហេតុធ្វើអោយបញ្ហាក្រពះរបស់អ្នកជំងឺ កាន់តែមានសភាពធ្ងន់ធ្ងរឡើង ។ ដាច់ខាតមិនត្រូវបរិភោគទឹកដោះគោនៅពេលព្រឹក ជាមួយអ្នកជំងឺ ដែលមានបញ្ហាក្រពះរើឡើងឡើយ ។
អ្នកជំងឺរលាកថង់ប្រមាត់ និងរលាកក្រពេញលំពែង
តាមធម្មតាសារធាតុខ្លាញ់ដែលមាននៅក្នុងអាហារ (ទឹកដោះគោ) វានឹងត្រូវរំលាយដោយសារទឹកប្រមាត់និងទឹកលំពែងដែលបញ្ចេញដោយសរីរាង្គទាំង២ ។ តែសម្រាប់អ្នកជំងឺដែលមានជំងឺរលាកថង់ប្រមាត់ និងក្រពេញលំពែង ធ្វើអោយការផលិតទឹកប្រមាត់និងទឹកលំពែងមានសភាពពិបាក ។ ជាពិសេសគឺការពិសារទឹកដោះគោនៅពេលព្រឹក នឹងធ្វើអោយប្រមាត់និងលំពែងកាន់តែធ្វើការធ្ងន់ ។ ហេតុនេះហើយអាការៈអ្នកជំងឺនឹងកាន់តែធ្ងន់ធ្ងរ ។
អ្នកជំងឺរលាកប្រដាប់រំលាយអាហារ (ក្រពះ ពោះវៀន)
ទឹកដោះគោជាផ្នែកមួយសម្រាប់បន្ថយបរិមាណអាស៊ីតរបស់ក្រពះ ប្រឆាំងនឹងការរលាកឆ្លងរោគនានា ដែលនៅក្រពះ តែការបរិភោគទឹកដោះគោពេលព្រឹកនឹងធ្វើអោយក្រពះកិនយ៉ាងខ្លាំង ច្របាច់ខ្លាំងហើយបញ្ចេញរសក្រពះច្រើន ។ រសក្រពះដែលមានជាតិអាស៊ីតច្រើននិងធ្វើអោយអ្នកជំងឺមានអាការៈឈឺពោះខ្លាំង ពិបាកទ្រាំ ។
តើពិសារទឹកដោះគោនៅពេលណាទើបល្អ???
ប្រជាជនជាច្រើនមានទំលាប់ និងគំនិតថា ការទទួលទានទឹកដោះគោពេលព្រឹកព្រលឹមនិងធ្វើអោយសុខភាពល្អ តែបើតាមអ្នកជំនាញខាងផ្នែកសុខភាពចំណីអាហារវិញ បានអោយដឹងថាការពិសារទឹកដោះគោនៅពេលព្រឹកមិនល្អបំផុតនោះទេ ។ ផ្ទុយទៅវិញ ការពិសារទឺកដោះគោនៅពេលយប់នឹងផ្តល់គុណសម្បត្តិច្រើនដល់សុខភាព ដូចជាជួយអោយសម្រាន្តលក់ស្រួល បង្កើតលទ្ធភាពស្រូបយកសារធាតុចិញ្ចឹម (កាល់ស្យូម .... )
ក្រៅពីនេះ ការពិសារទឹកដោះគោនៅពេលយប់ វាជួយអោយស្បែកសម្រាប់មនុស្សវ័យកណ្តាល មនុស្សចាស់ មានសភាពល្អ ដោយការស្រូបយកសារធាតុចិញ្ចឹមបានច្រើន ឯកោសិកាស្បែកធ្វើការល្អ ដោយបញ្ចេញសារធាតុពុលផ្សេងៗ ។ ទឹកដោះគោ នឹងជួយអោយស្បែកម៉ត់រលោង បង្កើតកោសិកាស្បែកថ្មី ក្មេងជាងវ័យ និងពន្យារដំណើរការវិវត្តទៅរកភាពចាស់ជរា ។
បកប្រែជាភាសាខ្មែរ ដោយ បងពេទ្យ
0 Komentar